KIMIKA BIZIRIK 2023. EKITALDIA URTARRILEAN OSPATUKO DA. DAGOENEKO IZEN-EMATEA ZABALIK
Aurreko urteetan bezala, “Kimika Bizirik-2023″ jarduera antolatzen hasi da.. Ekitaldia urtarrilean ospatuko da, UPV/EHUko Leioako Zientzia eta Teknologia Fakultateko laborategietan, eta DBHko 4. mailako ikasleei zuzenduta dago.
Jarraian, jardueraren xehetasunak eta izena emateko prozedurak daude.
Derrigorrezko Bigarren Hezkuntzako 4. mailako ikasleentzat zuzendutako Kimika Bizirik/Química en acción ekitaldiaren edizio berria laster ospatuko da, 2023ko urtarrilean, Zientzia eta Teknologia Fakultateko laborategietan.
Zeregin honen helburua da ikasleak kimikarekin eta Ingeniaritza kimikoarekin lehen esperientzia izatea, gai hauenganako zaletasuna sustatzeko asmoarekin.
Zientzia eta Teknologia Fakultateko irakasleen tutoretzapean, ikasleek kimikarekin eta ingeniaritza kimikoarekin erlazionatutako saiakuntzak burutzen dituzte, landuko diren kontzeptu teorikoak laburki azaldu ostean.
Saioen iraupena 3,5 h da, goizez (9:30-13:00), eta bi saio paralelo daude, euskaraz eta gaztelaniaz.
Talde bakoitzean ikasle kopuru handiena 12 da, eta derrigorrezkoa da jatorrizko ikastetxeko irakasleren batekin etortzea. Saioak produktiboak izan daitezen, nahitaezkoa da jatorrizko ikastetxeko irakasleak Kimika edo antzeko irakasgaia ematea.
EKINTZEN DATAK ETA EGUNAK
2023ko urtarrilak 16tik 25ra, biak barne eta asteburua kenduta.
Saioen ordutegia: 9:30 h – 13:00 h
IZEN-EMATEA
Izen-ematea https://kimikabizirik.wordpress.com/ web orrian egingo da, 2022ko abenduaren 1tik 9ra. Ikastegi bakoitzak izena eman dezake nahi duen saio guztietan, eta sesio bakoitzean izena eman duten ikastegi guztien artean zozketa egingo da. Ikastegi bakoitzari, gehienez, sesio bat esleituko zaio.
